Dr. Quack Quack!

Team Christmas Party kagabi. Hindi yun current team namin. Yung pinaka-love kong team since nag-work ako. With our beki TL, the rest of the kabaklaan, the coolest boys and the gorgeous gals! Yung iba sa ibang company na nag-work, merong nag-business at merong OFW na umuwi for Christmas vacation.. Nakakamiss lang yung mga kabaliwan namin, yung asaran, yung nag-uumapaw na food pag potluck, at yung pasiklaban ng outfit at eksena!

White Party!

Ansaya! Everyone was there except... Me. Because I am sick. Call the doctor very quick! Chos! Ayan, may sakit nga ako, nag-start sa colds at sorethroat na very very mild na inagapan ko naman ng pag-inom ng gamot at smart c at maraming fruit juices! Kaya lang hindi nawala, at sa araw nun party, pag gising ko, may rashes ako sa katawan at nahihilo ko. Pero hindi ako nilalagnat.

Ewan ko pero hindi talaga ako lagnatin. Kahit tipong grabe na sakit ng ulo ko, wala na ko boses or kahit nun nagka-chickenpox ako, hindi ako nilagnat. Mainit yun pakiramdam ko pero yun temp ko normal pa din.. Bakit kaya ganun no? Pero keribels lang, nagtataka lang ako.

Ay baka i-assume nyo na kaya ako nagka-sorethroat ay dahil kinain ko lahat ng chocolates na pinadala ni Mhie ah, hindi ko pa kaya yun nababawasan! Kasalanan talaga to ng teammate ko na humiram nun kumot ko sa office. Sabi nya, magaling na siya, pero nagkasakit ako after nun! Kaya siya may kasalanan! May masisi lang, haha..

More tulog, more fun tuloy ako. Nag-pacheck-up na ko at viral ek ek achu chu chu lang daw.. Na-gets mo? Haha. Yun lang na-miss ko ang bonggang Christmas Party at hindi kami natuloy ni Mama sa Divisoria para mag-shopping sana.

Pero kanina, kinulit ako ni Chin na mag-SM daw kami. Pag gusto gumala ni Chin, ako yinayaya, hindi Mommy't Daddy nya, hulaan nyo kung bakit, haha. Yung bata, ibang level talaga ang convincing powers. Sabi niya.. "Tita, punta na tayo SM, gagaling ka na!".. "Tita, binigyan kita ng tattoos (yun chips), kaya punta na tayo SM!".. "Tita, tara na kasi, bibihis na ko ha?". Ganyan. Ang kulit. So pumayag ako sa isang kondisyon.. bawal mag-ice cream. Bakit? Kasi maiinggit ako, lol.

Kasama namin si Mama siyempre, nagseselos yun pag di siya kasama e, haha. So yun, nakapag-shopping ako ng very mild. Naibili ko ng gift yun ibang pamangkin ko, pati si Nicole na hindi ko kilala, kasi ka-exchange gift siya ni Chin sa school. Parang ako lang nanay ng batang to! Tas naglaro kami sa Quantum habang hinihintay ni Mama ma-giftwrap yun mga binili namin. Malaki na talaga si Chin, ayaw na niya nun mga kiddie rides.. ang gusto niya yun basketball, car racing, bowling... tomboy? Chos!

Kumain din kami sa Tokyo Tokyo at nag-grocery na rin nun ibang pang-handa para sa Noche Buena. Kakainis si Chin kasi ilang beses nag-wiwi, e nakakapagod magpunta ng CR, nun last ayaw ko na siya samahan kaya si Mama sumama sa kanya.. Tinanong siya ni Mama kung bakit siya wiwi ng wiwi.. ang sagot ng bata, "Ganyan talaga ang tao, kailangan umihi." Kaloka!

Ayun, napagod ako ng bongga.. Pero di ko makatulog kaya may post! Oh, bawal na magkasakit ah! Lalo na this Christmas..


P.S. Ang pictures ay ninakaw ko lang dahil inggit ako!
At assuming ako, wala pala yun TL naming beki at yun isa pang teammate dati.. OPM daw sabi ni Zaicy! :)